Mere experience ke mutabiq yeh bike canopy shade kaafi achhi cheez hai
Mere experience ke mutabiq yeh bike canopy shade kaafi achhi cheez hai. Is se dhoop se bohat rahat milti hai aur barish mein bhi kafi had tak bachao ho jata hai. Is ke ilawa safar ke dauran chehre par jo direct hawa lagti hai, us se bhi kafi protection milti hai, jis ki wajah se ride zyada comfortable ho jati hai.
Lekin is ka sab se bara issue bohat tez hawa ya aandhi ke mausam mein samne aata hai. Jab hawa bohat zyada tez ho to canopy par pressure bohat barh jata hai aur bike ko balance karna mushkil ho jata hai. Aisi surat mein lagta hai ke canopy hawa pakar rahi hai aur bike par control maintain karna pehle ki nisbat zyada mushkil ho jata hai.
Agar bike khari ho tab bhi canopy ko sambhal kar rakhna parta hai, kyun ke tez hawa ki wajah se yeh urrne jaisi ho jati hai. Kabhi kabhi lagta hai ke agar hawa ka zor mazeed barh gaya to canopy ki dori ya fitting toot sakti hai aur canopy nuksan ka shikar ho sakti hai.
Meri raaye mein normal weather conditions mein yeh canopy apna kaam bohat achhi tarah karti hai. Agar hawa mamool ke mutabiq ho aur bike ki speed taqreeban 40 km/h tak ho to koi khaas masla nahin aata. Lekin bohat tez hawaon aur aandhi wale mausam mein yeh utni effective nahin rehti aur us waqt is ka istemal kuch mushkil ho jata hai.
M
Muhammad Sajid
nice and wonderfull
nice and wonderfull product
Thanks
M
Muhammad Usman Rohail
I love it
I love it, its very useful in rainy weather, and also protect you from dust and UV rays, thanks to rizaries
